واحد في المئة

امبارح كنت عند أخويا الوسطاني كان عازمني على السحور.. ساكن في شقة صغيرة بدور على واحدة زيها.. مش هو دة المهم.. اتسحرت.. ونزلت عشان أروح.. ركبت الميكروباص وكان الفجر بيأذن وأنا كنت خلاص بفيص على الآخر.. وكان الميكروباص فيه حوالي خمس تنفار.. تقريبا.. فضل يحمل والسواق قاعد على الرصيف واللي جمبي رايح في النوم مبيصحهوش غير ميدالية المفاتيح اللي عماله تقع من ايده.. واللي قاعد ورايا كل شوية يتنهد.. ويقول يارب استرها يا رب.. وكان نفسي اروح أوي عشان أنام.. فضلنا كدة كل حوالي عشر دقايق يركب واحد.. وانا قاعد بتخيل نفسي أني راكب عربية في الصحراء.. ومش لاقيين ركاب بالرغم من أننا في امبابة.. فاضل راكب واحد فقط والسواق لسه قاعد على الرصيف.. الناس الله يكرمها بدأت تتكلم.. هو احنا مش هنروح بقى.. دة سواق معندوش دم.. دة بارد أوي.. منادي عليه عشان نروح نشوف حالنا بقى.. وكنت أنا الوحيد الصامت في هذا التسخين.. وناديت عليه اقترب من السيارة ويا سبحان الله.. كل المسخنتيه دول بلعوا ألسنتهم.. تفاوضت معاه ما لاحظته هو أني أنا الوحيد الذي تكلمت معه.. ما جذب انتباهي هو أن كان عددنا عشرة أفراد.. وواحد بس هو اللى اتكلم يعني.. واحد ما بين كل عشرة هو اللى بيقدر يطالب بحقه وحق التسعة الباقيين.. المهم اتحرك الميكروباص.. وعقبال حاجات تانية لما تتحرك