دقيقة المحمول بـ 50 قرش

دقيقة المحمول بـ 50 قرش

في الفترة الأخيرة اصبحت الملصقات وأوراق الدعاية تخطف نظرك من الوهلة الاولى حاجات كتير ملزوقه على الحيطان وفي كل مكان بالشارع دة غير الاعلانات الضخمة واحد لفيلم والتاني لصابونة والتالت لمنتج متقدرش تعرف ايه هو ودة طبعا غير اشارات المرور والالفتات المضائة في كل مكان.. لكن اصبح الشارع المصري يتميز بالعديد من الأشياء الاساسية.. ومنها على سبيل المثال وليس الحصراتكلم براحتك الدقيقة بـ 50 قرش.. ومحل تاني تلاقيه كاتب يوجد تحويل رصيد وشحن على الهواء.. دون أن يكتب هنا

المحل مغلق للاجازة السنوية من الفترة 1\7\1996 إلى 16 \ 8 \ 2014 براحته الراجل عايز ياخد اجازة طويلة شويةملناش دعوةوفي كلمات كتير اوي كنت بقراها وانا صغيرومكنتش بفهمها زى॥ كلمة تصوير مستندات॥ كنت بقعد افكر فيها كتير اوي كنت متخيل ان المستندات دي حاجة سرية جدا وخطيرة جدا وانها لما تتصور بتزداد خطورة كلمة مستندات نفسها كانت بتشكل لي غموض غريب مكنتش قادر أفهمه وكمان كان بيزيد الغموض أنها كانت بتتكتب.. تصوير مستندات في الحال.. كنت بحس أنها لازم تتصور بسرعة لسريتها

اطرف حد قرا اعلان ادامي كانت اعلان لشركة انترنت॥ وكان الاعلان عبارة عن جملة.. النت بيتكلم عربي.. فهو قراها.. قال انت بتتكلم عربي.. وكان بيقولها بأسلوب حلو اوي.. الاغرب من كدة أنه كان مستغرب جدا من معنى الاعلان.. وتلاقي فيه لافتتات على العمارات عبارة عن اسماء دكاتره ومحاميين ومحاسبين قانونيين وشركات وتوكيلات الغريب أنك لو بتتفرج على فيلم اجنبي مش ممكن تلاقي كمية الافتات اللي موجودة على العمارات زى عمارات وسط البلد ومصر الجديدة وبالاخص العمارات اللي موجودة في ميدان الفلكي

والفيلم الاجنبي ليس شرطا أن يكون أمريكي بل من الممكن أن يكون لأى جنسية اخرى حتى ولو كان إيراني॥ بتاعه النووي اللي هى موجودة بعد العراق وانت نازل على ايدك كدة صحيح هو ليه مفيش محل مكتوب عليه نووي للبيع وممكن انك تدخل وتشتري نووي بشلن أو بربع جنية وتعملك قنبلة نووية صغيرة تفرقعها في العيد

احلى اعلان شوفته منذ ايام كان معلق على عمارة تحفة في المهندسين أغلبها جداريات ونحت بالجبس الابيض ووحدات اضاءة مودرن ومكتوب يوجد شقق للبيع بالعمارة على خيش بالبارز حقيقي العمارة تحفة والاعلان شكلة مميز جدا.. ليه مش كلنا بيجمل حياته عشان نستمتع بجياتنا اكتر.. تقريبا خدت دقيقتين في القراءة خلاص ادفع جنية وله هتعمل مكالمة تانية

Setup Your Life

setup your life

الحياة بالنسبة لكل شخص على جه الارض مثلها مثل عملية تثبيت أى برنامج على جهاز الكمبيوتر الخاص بك.. في البداية تتم مرحلة dounloud ثم بعد ذلك تبدأ مرحلة Setup والاولى وهى مرحلة الولادة.. والثانية وهى محاولة تثبيتنك وتربيتك التي في الغالب تفشل.. تمر في هذه المرحلة.. بعدد من الجمل والمواقف الهامة والتي يجب فيها اتخاذ القرار فيها وبسرعة وذلك بالظغط على Next لتواصل الركب إما إذا ضغط على Back فأنك ستتأخر

يمكن ما أكتبه اليوم يصبح في يوما من الايام مثل نظيرة التطور والنمو بتاعه الباش مهندس فرويد Next هذه هى المرحلة الاولى اما ان توافق على الشروط كلها أو ترفض الحياة صعبة ويجب عليك اجتياز ملايين المشاكل ويجب عليك اجتيازها خلال فنرة الاستخدام ـ فترة حياتك

Next برجاء الانتظار يتم الان تحميل ملفات حياتك كل منا حياته يتم تحميلها على حسب سرعته وتفاعله مع الاخرين فالبعض يموت دون أن يحقق ما يتمناه والآخرون يموتون وحياتهم قد تم انجز فيها ما يقارب من القدر الذي يكفيهم

Next لقد تحميل الملفات بالقدر المناسب هل تريد المزيد.. بطبيعة الانسان انه طماع ويريد الأكثر فلذلك من الطبيعي أنك ستضغط

Next هذه هى المرحلة التي يجب أن تختار وضع البرنامج فيها وفي الغالب ترضى أن يكون في السي.. وفي حياتك دايما تتمسك أن تعيش في المكان الذي ولدت فيه وان لم يكن يعجبك ففي الغالب تحن له

Next مرحلة ما بعد تحديد المكان هذه هى التي يجب عليك ان تختار فيها من سيكونون في حياتك ومن سيكونوا موجودين بشكل ثانوي

Finish هل تريد فتح البرنامج مباشرة ووضعه في مقدمة حياتك سؤال صعب قد ترفضه أو تقبله

تطور الحياة في هذه المرحلة مد على تصرفك مع كل من حولك واسلوب حياتك من سيكون متواجد ومن من المفترض ان يتغيب من سيكمل معك اللعبه ومن يجب عليك عدم استخدامه ما هو الشكل الذي ستظهر به أمام الناس المقربين والشكل الاخر لغير المقربين

Next نوع السجائر التي ادخنها