دقيقة المحمول بـ 50 قرش
في الفترة الأخيرة اصبحت الملصقات وأوراق الدعاية تخطف نظرك من الوهلة الاولى حاجات كتير ملزوقه على الحيطان وفي كل مكان بالشارع دة غير الاعلانات الضخمة واحد لفيلم والتاني لصابونة والتالت لمنتج متقدرش تعرف ايه هو ودة طبعا غير اشارات المرور والالفتات المضائة في كل مكان.. لكن اصبح الشارع المصري يتميز بالعديد من الأشياء الاساسية.. ومنها على سبيل المثال وليس الحصراتكلم براحتك الدقيقة بـ 50 قرش.. ومحل تاني تلاقيه كاتب يوجد تحويل رصيد وشحن على الهواء.. دون أن يكتب هنا
المحل مغلق للاجازة السنوية من الفترة 1\7\1996 إلى 16 \ 8 \ 2014 براحته الراجل عايز ياخد اجازة طويلة شويةملناش دعوةوفي كلمات كتير اوي كنت بقراها وانا صغيرومكنتش بفهمها زى॥ كلمة تصوير مستندات॥ كنت بقعد افكر فيها كتير اوي كنت متخيل ان المستندات دي حاجة سرية جدا وخطيرة جدا وانها لما تتصور بتزداد خطورة كلمة مستندات نفسها كانت بتشكل لي غموض غريب مكنتش قادر أفهمه وكمان كان بيزيد الغموض أنها كانت بتتكتب.. تصوير مستندات في الحال.. كنت بحس أنها لازم تتصور بسرعة لسريتها
اطرف حد قرا اعلان ادامي كانت اعلان لشركة انترنت॥ وكان الاعلان عبارة عن جملة.. النت بيتكلم عربي.. فهو قراها.. قال انت بتتكلم عربي.. وكان بيقولها بأسلوب حلو اوي.. الاغرب من كدة أنه كان مستغرب جدا من معنى الاعلان.. وتلاقي فيه لافتتات على العمارات عبارة عن اسماء دكاتره ومحاميين ومحاسبين قانونيين وشركات وتوكيلات الغريب أنك لو بتتفرج على فيلم اجنبي مش ممكن تلاقي كمية الافتات اللي موجودة على العمارات زى عمارات وسط البلد ومصر الجديدة وبالاخص العمارات اللي موجودة في ميدان الفلكي
والفيلم الاجنبي ليس شرطا أن يكون أمريكي بل من الممكن أن يكون لأى جنسية اخرى حتى ولو كان إيراني॥ بتاعه النووي اللي هى موجودة بعد العراق وانت نازل على ايدك كدة صحيح هو ليه مفيش محل مكتوب عليه نووي للبيع وممكن انك تدخل وتشتري نووي بشلن أو بربع جنية وتعملك قنبلة نووية صغيرة تفرقعها في العيد
احلى اعلان شوفته منذ ايام كان معلق على عمارة تحفة في المهندسين أغلبها جداريات ونحت بالجبس الابيض ووحدات اضاءة مودرن ومكتوب يوجد شقق للبيع بالعمارة على خيش بالبارز حقيقي العمارة تحفة والاعلان شكلة مميز جدا.. ليه مش كلنا بيجمل حياته عشان نستمتع بجياتنا اكتر.. تقريبا خدت دقيقتين في القراءة خلاص ادفع جنية وله هتعمل مكالمة تانية
3 comments:
الاعلان بيمثل يمكن بالنسبة للي كاتبه او للي بيقراه حاجة محتاجها يعني عرض وطلب يمكن كتير زي ما بتقول لكن بقى بشكل مقزز، بتحس كان البلد مش ملكي وملكك وملك كل واحد وانه مينفعش نشوهها بالطريقة دي، اكيد في طرق تانية نقدم بيها الاعلانات بس اللي بيعملو الاعلانات وبيفرضوا على الناس انها تقراها من كترها ليه مبيفكروش في شكل مختلف يعرضوا بيه الاعلان يخدم الناس زي ما بعض الشركات الكبيرة بتعمل يمكن دا يخلي الناس تحترم المنتج وتفكر تشتريه يعني من خلال اى شئ بسيط زي انه يعمل شجرة او مظله في شارع حر او يمكن مبرد للمياة او سلة للمهملات او مقعد في الشارع لكبار السن بيتهيالي احسن وشئ عملي لكن اعلان على الحائط أظن الحوائط شايله هموم من جوا كتير مش مستحمله حاجة من برا،اما الاعلان اللي نفسي اشوفه ونفسي كل الناس تشوفه هو حلمهم وحلمي يبقى اعلان كبير اصحى من نومي وافتح عنيه الاقي اعلان يغير مجرى الحياة، حلو قوي او يمكن احنا اللي نعملها ونرسم حلمنا ونعلقة اعلان، ويبقى شعار بلدنا اعلن عن حلمك قال يعني هيتحقق!!! طبعا في المشمش ان شاء الله... لأ سوري نسيت ان في مشمش دلوقتي
لو سمحت لي رآي وعاوزة اسجله ، يمكن بعيد عن احداث الملصقات والجدران وشكل الشوارع ودقيقة المحمول ، بس اهو قضيه مش بعيدة قوي عن الكلام الكبير اللي بتكتبه ، يعني قضية الانسان واظن انها اهم قضيه اهم من كل الحاجات اللي حواليه ، لما نحترم نفسنا الاول قصدي نحترم الانسان مش مهم بعد كدة كله يتصلح او ميتصلحش مش فارقة ما احنا صحيح مش هنصلح الكون ، يعني مثلا لما نهزر او نقول بجد لأنسان انه زبالة او الكلمات المهينة للكرامة على سبيل المثال وليس الحصر اعتقد ، ان الزبالة ليها اماكن ، بتدور على اللي بيناديها ، في الاماكن القذرة . لكن اظن اللي بيكتب كلام كبير لازم برضه يبقى كبير ويكون موضوعي في تقديره للناس مش بكلمة يمدح فيهم ، كلمة تانية يزم فيهم .حسب المود طالما اختار لنفسه انه يبقى انسان يبقى لازم يحترم الانسان اللي زيه ، بيتهيالي ان كل لما الانسان ارتقى بعلمه ، بثقافته ، بتجاربه بيزيد تواضع واحترام للإنسان اللي زيه حتى لو هو عارف انه اقل منه او ميساويش اهو مخلوق خلقه ربنا ياريت تكتب موضوعاتك الجاية عن عن ضرورة الاخلاق والصدق مع النفس ومع الاخري اسفه طولت عليكم .
بعيد عن الخلافات ، واللي فات مات ، مستنيين موضوعات كتيرة تانية احسن عشان كتابات ليها طابع مختلف تقريبا كلها مرتبطة بالتفاصيل الحياتية اليومية ، ما تتاخرش علينا
Post a Comment