وهــــــــــــــــــــى بـــــــــــــــــــلــــــــــــدكــــــــــــم يـــا كــــــــــــلاب

عز وحديد عز.. وهز يا وز وهز يا بط...... بلاش بلاش.. عشان

مش ناقصين انفلونزا الطيور.. طلعت السادات ابن اخو السادات الرئيس المصري الراحل برصاص مين الله اعلم.. كان عايز يضرب الملياردير اللي اتغنى بفلوسنا وبدم الشعب المصري.. رئيس لجنة الخطة والموازنة بالمجلس أحمد عز.. الصديق الوفي لجمال مبارك وصديق العائلة الكغيمة مثل ما يقولنها النوفو ريش.. هو مستحوذ على أكثر من 70% من صناعة الحديد في مصر بالرغم أن شركة الحديد والصلب فكرينها اللي كانت في حلوان بتاعة الثورة دي.. ياى ثورة هي السبب في اللي احنا فيه.. فين أيام عبد البر والعزبة والشجرة.. قام أحمد بك عز بعد خراب بيت كبار وصغار المستثمرين في البورصة المصرية.. وبورصة حلوة.. بشراء 4 مليون سهم بس.. من أسهم شركة الدخيلة للحديد والصلب التي كانت مملوكة للدولة (اللي هو احنا يعني) ليحقق بذلك أرباح عبارة عن واحد مليار وشوية فكه.. يعني يا دوب حتته قصر صغير في شؤاطى باريس يرى البحر بصعوبة بالغة.. مساحته لا تتعدى العشرين غرفة وحمامين اتنين بس.. هذا وقد ابشركم بأن أسعار الحديد سترتفع أن لم تكن قد ارتفعت بالفعل خلال كتابتي لهذه السطور.. يعني لو حد فيكم عنده حتته ارض في مارينا مش هيعرف يبنيها

وطبعا واجب علينا أن نعتبر أحمد عز.. من (الرجالة) العصاميين.. البعض كان يسخر مني حين كنت أعلن أنني ساتزوج في عام 2050 لكن بعد ما فعله صغار المستثمرين من أمثال عز.. وكبار النصابين من أصدقائه الحميمين.. سيجعلني أخطب فقط في عام 2060 وليس 2050

أنفعل النائب المعارض مهو لازم يعارض امال الحكومة دي عايزة تنهش في لحمنا ومنعيطش.. ايه الافتراء دة حرام والله حرام.. وكان عايز يضربه بالجزمة لدرجة انه فعلا خلعها من قدمة وكاد أن يذهب له ليذيقه منها لكن وللاسف النهواب الاخرين حجزوا بينه وبين عز

وكان رد عز بمنتهى الهدوء"ااقعد يمكن تفهم حاجة".. وكأنه يقول "هى بلدكم يا كلاب".. طب ادينا قاعدين فهمنا حاجة.. وله نقعد ليه هيا كانت بلدنا.. احنا اتسرقنا لكن عيب ميصحش اننا نعمل بلاغ في (رجل) استغلنا بكل ما تحمله من معاني والحكومة تحميه مهو يا بخت من كان جمال صديقة