ربع قرن وأكثر
كل عام وكل اللى بحبهم طيبين.. وكل سنة وكل الناس بخير وحب وأمل في بكرة اللى لازم يتغير.. للاحسن كل سنة واحنا بنحب بعض بنخاف على بعض.. كل سنة وانا طيب.. كل سنة وانا بزعق في الهبل والشر وبجادل مع الخير عشان يدينا أكثرزي النهاردة ومن أكثر من ربع قرن كانت امي بتولدني.. كنت بنزلط لاخرج إلى هذا العالم العبقري.. مصرخا.. باكيا.. ضاحكا.. زاحفا.. متسندا.. ماشيا.. راكدا.. متمهلا.. مرتابع.. مستمتعا.. مشمئزا.. جائعا.. شابعا.. خاطبا.. متزوجا.. رحلة لابئس بها لذيذة إلى حد ما.. لكنها أيضا ممله لا يوجد فيها شيئا يتغير.. بصيص النور ينتظر الانفلات ليضيئ
كفاية كدة كل سنة وكل البشر بألف خير.. على فكرة مفيش داعي للهداية الغالية فالقناعة كنز لا يفن.. يعني لو شالية على البحر في الساحل وعربية بي ام دبليو 523 او 318 وشوية بدل وملابس كاجوال.. وبتاع مليون الا ربع فكه.. على حوالي 3 مليون رصيد.. على اتنين لاب توب فايو.. على كام فلاشيه حلوة كدة.. على شوية لعب أطفال.. على شوية ولاعات.. مفيش داعي خالص انكوا تكلفوا نفسكم ويبقوا دهب.. وشكرا على الهدايا المتواضعة دي .. بجد حبكم ليا بالدنيا كلها
4 comments:
كل سنة وانت طيب ياوائل وعقبال اليوبيل الماسي
وماتقلقش على القناعة هو أخرك التعليق ده.
ويمكن الجديد في رحلتك انك شرفت في عصر التكنولوجيا والمدونات وبقى ليك مدونة اهو الحمد لله، غيرك مش لاقي.
كل سنة وانت طيب
وبصراحة مش عارف ادعيلك بطول العمر وانك تعيش كتير فى العالم دة ؛؛؛ ولا ربنا يخلصنا كلنا بدرى بدرى عشان الناس التانية ترتاح
عموما كل سنة وانت طيب وعقبال متشوف احفاد احفادك
:) :'(
كل سنة وانت طيب .....بس مش لازم يعني كنت تجيب لنا قصة حياتك من ساعة ما اتزلطت وجيت الدنيا اكييد يعني كلنا مرينا بنفس المراحل بالريري والسيرلاك ولبن الام ........ المهم انت اكييد كل عام بيفرق معاك بيتغير فكرك وبيطور وبنشوف منك الافضل هي دي فعلا السنين اللي محسوبة سنين تكون معدتش كدا وخلاص اهم شئ انك تحاول تصنع فارقا وتنفرد بشئ يميزك عن الاخر
كل عام مزبد من التفائل والسعادة والامل والتطور والتقدم في كل حياتك اما بقى عن الهدايا.....فبمناسبة ايه طيب ؟ واللي عطاك يعطينا
المدونة دي اكدت لي شئ مهم جدا انكم بتحبوني لكن بمنتهى الاسف طلعتوا بخلاءءءء
Post a Comment