يـا لـهـوي طــلعـت بـالـعــرض مـش بـالـطـول
من كام يوم كنت بتفرج على قناة "اوه. تي. في." بتاعه المستثمر المصري صاحب مجموعة اوراسكوم وموبينيل وشوية شركات كدة صغيرة فقيرة جدا نجيب ساويرس.. تاريخ الملياردير المصري بيقول إنه اصلا غني مش من أغنياء القروض.. ولا توظيف الأموال ولا العبارات الغرقانه.. من موضوع العبارات الغرقانه دة دعونا ننطلق.. الى تقرير قدموه في القناة عن ليه مبنستخدمش النيل للتنقل بدلا من الزحام في الشوارعيعني تصحى الصبح تطس خلقتك بشوية ميه وتلبس الزلاجات في ركبك وتنطلق من خبؤبؤ.. الحنفية وتروح بقى على الشغل مدهول ومبلول ليه لا.. مهو أحنا عندنا النيل طويل عريض ومبنعملش حاجة غير أننا نتجاهل قيمة النيل بشكل كبير لدرجة أننا نشرب منه ونعتبره المصدر الاساسي للمياه في مصر.. إلا أننا نلوثه
أنا مش عايز اقول كلام مجلعص.. جمع جعلوصه.. والجعلوصه هنا تتمخض من أنا مثلا لو عايز أروح مدينة نصر وفي نفس الوقت عايز استخدم المواصلات النهرية.. ليه لا.. لكن لاء والف بسبب أننا طبعا احنا اخر منطقة واول منطقة برضه بنشوف فيها النيل في التحرير وجاردن سيتي والمعادي والناحية التانية عند ابراج اغاخان والزمالك والقصر العيني
طيب مش هعقد الموضوع واسهلها عليكم وعليا مش لازم أروح مدينة نصر نخليها سته أكتوبر وله نخليها العاشر من رمضان.. وله العبور وله الهرم وله اى مكان أحنا بنسكن فيه.. اكتشفت أن المدن السكنية التي نعيش فيها بنيت بشكل عرضي وليست طولي.. فبذلك لا يمكن أن نستغل النيل في التنقل.. ودي مصيبة كبيرة يعني بالرغم من أن الفراعنة اقاموا حضارتهم على ضفاف نهر النيل إلا أننا أقمنا دولتنا المتأخرة على ضفاف الصحراء اقمناها بالعرض.. وعلى فكرة الدولة المعاصرة التي نعيش فيها أقيمت بشكل عرضي ولها مواصفات عرضية ايضا.. وخد في بالك يا ابو السيد أن الضرايب مصلحتك اولا.. وخليها نو فضيحة وبلاش تقولوا أنها سوء تخطيط اعتبروها صدفة وخلاص.. ولوسمحتوا كل واحد عند مركبه بقى.. عشان منعملش زحمة فوق الارض
No comments:
Post a Comment