عمري ما هنسى الاغنية دي الدنيا برد.. وعم خليل بيشم الورد.. ولا هنسي يا مطره رخي رخي على قرعه بنت اختي.. فاكر أول مرة سمعت فيها الأغنية دي.. قعدت أفكر كتير أوي في موضوع قرعه بنت أختي دة عيل صغير بقه.. بحب البرد من وأنا صغير بحس أنه ممتع كدة.. بحب أشعر بالساقعة لان دة بيحسسني بشعور مميز.. مينفعش يتوصف ولا يتحكي.. لازم يتحس.. بحب أخرج في الشتاء الناس كلها بتكن في البيوت من بدري في بيوتها.. والدنيا كلها تتحول إلى ملكية خاصة من أجلك..
مطر.. كل لما أعرف أن الدنيا بتمطر بفرح.. زى العيل الصغير.. مرة جريت تحت المطر وانا صغير وساعتها جالي دور برد.. بس كان ايه تمام فضلت راقد في البيت حوالي أربع أيام.. أحلى حاجة في البرد أنك تشرب حاجة دافية.. وتستمتع بلسعه البرودة اللي في الجو.. أكتر شئ بيتعبني في البرد لما بيجيني انفلونزا.. والمشكلة أني مبحبش أخد أدوية ولا الادوية بتحبني
لكل لما اتمنى ان الدنيا تبرد أكثر وأنها تمطر وتغسل الشجر اتمنى أن البرد ينتهي بسرعة جدا لاني بفتكر أن في ناس فقراء معندهمش اللي يدفيهم ولا حتى بيوتهم تقدر تحميهم.. من المطر.. لكن دايما بفتكر المثل بتاع ربنا بيدي البرد على اد الغطا.. بيصعب عليا لما بشوف واحد بردان في الشارع ومعندوش هدوم تقيله.. ربنا يرحمنا من البرد ومن الحاجات التانية.. أكيد فاهمين أقصد أيه بالحاجات التانية
Monday, December 18, 2006
الجو ممتع
Subscribe to:
Post Comments (Atom)
1 comment:
الموضع جيد حيث يذكرنا بطفولنتا التي نتمنى ان تعود ولو ليوما واحدا
Post a Comment