كان أسمه جدع
حكاية واحد اسمه جدع كان ايوة كان عنده شهامة ودم كان أسمه جدع لانه كان جدع وقف جمب ناس كتير في فرحهم وازماتهم كان ليه اصحاب كان فنان شاطر عامل زى الدينمو كان بيحب الشغل كان كل دة كان اتغير حقيقي هو مش اتغير هو مبقاش موجود ولا له اى وجود في الوجود كان لما يحب كان بيحب بلا حدود كل اللي هو عمله في حياته انه بيربي ثعبانه الثعبان ناعم وشيك وجلده تحفه والوانه تجنن لكن مينفعش انك تاخده في حضنك لانه هيبخ سمه فيك ويخليك كان وتبقى كان وكان وكان لا وطن ولا دكان لا صاحب ولا
كان اسمه جدع كان بيحب شغله كان بيشتغل كل يوم وكل دقيقة.. ودلوقتي هو في البيت جمب الثعبان.. مبسوط بيه.. انبساط العيل الصغير بالشيكولاته.. كان الجدع لما بيعرف ان حد عنده مناسبه كان كان كان بيقف جمبه.. دلوقتي هو في البيت.. قاعد مبيعملش اى حاجة ليها لازمه.. والثعبان بينفخ فيه.. ومحسسه انه مفيش زيه وانه صح على طول الخط..حاسس انه الصح في كل المواقف وأى موقف.. فاكر ان كذبه تصديقه لنفسه حقيقة.. والمصيبة انه كان جدع
كان الجدع لما يعض الاخ اخوة لما يظلم الابن ابوه لما ولما ولما لما حاجات كتير اوي بيجرحوا
الوجع مر والجرح أمر كان الجدع قاعد بيتفرج على التليفزيون في الوقت اللي المفروض انه يكون هناك مع الناس اللي هنا كان الجدع بيتخلى عن اللي عمره ما اتخلى عنه كان الجدع جدع لكنه بعد كدة مبقاش مبقاش اى حاجة وعمره ما هيكون أى حاجة
وكان الجدع قلبي ع الجدع وقلب الجدع على الثعبان للاسف لما يتخلى الجدع عن واحد عمره ما اتخلى عنه ودي كانت نهاية للجدع من حياة واحد كان بيحب الجدع لكنه كان زى ما الجدع بقى كان وكان يا مكان في جدع والجدع مبقاش جدع ولا بقى اى حاجة ولا بقى له اى لازمه
انا مش زعلان منه لا انا زعلان عليه لانه هو اللي عمل كدة بنفسه وبيديه
3 comments:
وائل اخويا الموضوع جميل وموجود في حياتنا العامة والخاصة ومتكرر ، وكل واحد فينا كان في في حياته جدع او كان فاهم ان احد الناس القريبين منك جدع ، وتكتشف في الاخر انه مش جدع ولا حاجة خالص، وتأتي الصدمة اللي عمرك ما تخيلتها ولا هتتخيلها
من حد مينفعش غير انه يبقى جدع باحساسك وقلبك ومشاعرك وكل تفكيرك ووجدانك انت شايفه جدع ، بس خلاص ماعدش جدع زي اللي مؤمن طول عمره بأن اسمه احمد او محمد ويطلع في الاخر ابراهيم
الصدمة مرة مرة ومش عارفة اقولك ايه بس احساسي يقول لي ان الزمن غير كمان مش انت لوحدك اللي اتصدمت الزمن غير الجدعان ، انا برضه عاوزة اقول زيك كان فيه جدع ، كان اسمه جدع !! كان اسمه حبيبي !!!
وكان وكان وكان ، وبلاش تبكي على اللي كان
وائل باشا الموضوع دة انا بحييك علية وانا بعترض على العنوان لان المفروض كان يبقى اسمة حكاية واحد جدع مش كان جدع لانك جدع وكنت جدع وهاتكون جدع.
ودا الى انا اعرفة عنك وانا واثق من كدة لكن بقى هذة هى سنة الحياة ان الواحد مننا يقابل ناس ويتفاجأ انهم عكس ماتوقع ولكن الجميل بقى انك تلاقى الناس الى انتا فعلا بتدور عليهم بعد ماتتعب وتتكعبل فى الناس الوحشة دى
وربنا يوفقك ياوائل ونشوفك دايما فى تقدم مستمر ومفيش اى حاجة تعطلك
والسلام عليكم ورحمة الله وبركاتة
انا مختلفة مع الاخ ياسر في بعض في بعض الأشياء اللي ذكرها لأن لو وائل هو "الجدع الي كان" زي ما انت تقصد فمعنى انه عرف انه مبقاش جدع معناه انه حاسس وفاهم، انه عمل شئ طارئ مطلعش فيه جدع، لكن اللي محسش هو اللي معدش جدع يا عيني اه والف اه على اللي مش حاسس انه مبقاش جدع او كنا فاهمين انه جدع ، وكان بنتعلم منه وكان مثلنا الأعلى ، ما اغرب النفس بتحاول تدور طول الوقت على جدع ولما تتطمن للجدع وتسير على نهجه وتتحسس خطاه بدون تفكير، اصلنا واثقين أل ايه من الجدع، يلدغك الثعبان لدغة تموت وتحيا مائة مرة ويسيب في نفسك ذكرى مرة مهما اللي عدا عليك من وقت ولسة بتوجعك لدغته، قرصك وبتقول ليه يا جدع معقوله انت، يمكن متقولهاش وسكوتك يقولها جواك تصرخ صرخة مالها صوت بس بترجك من جوا من شدة الألم.وتكون انت الجدع اللي يفني نصف عمره بزراعة الورد في طريقهم.. وتفني نصف عمرك الآخر لتجنب أشواكهم التي زرعوها في طريقك.. وتقول وانا ليه مطلعتش مش جدع زيه، مكنش عمل اللي عمله هو لما الجدع كان عايش مع تعبان نسيت تقول انه اتلون بيه ومن سمه سقاه وخاد عليه ومعرفش يرجع من الطريق اللي كان ماشي فيه، واصبح الجدع غصب عنه واطي ومش جدع وبيعترف للكل ومش خايف ، ومش همه صدمة الناس فيه لا واتاريه كان بيخطط يدوس على الكل برجليه يا خسارة يا جدع ، مبقتش جدع وانا معاك يا وائل انت مش لازم تزعل منه لازم تزعل عليه، واللي بيحاسب العباد ربنا، وقولتلك قبل سابق كل واحد فينا في حياته جدع ومات الجدع وانا عن نفسي لسه ببكي عليه ، ولسه مخدش العزا فيه، وترى الأشياء"ايوة هم اصبحوا اشياء" حولك تتلوث وتتألم بصمت..
و تكتشف بعد الأوان أنك مدرج لديهم في قائمة الأغبياء..
Post a Comment