حاكم واحد.. واحد بس
يوم من الأيام كنت عايش في حكم واحد واحد وبس.. لكني مكنتش رافض الف.. ولا اتف.. كنت محتار اتف على مين ولا مين من كتر الفاسدينرب واحد.. لحظة واحدة.. عمر واحد.. لكن المعتقلات كتير وواقف عليها كذا غفير.. والمناشير أكتر من المنشورين
أمن من غير دولة ولا أمن دولة.. زى الكشري بالسلطة أو السلطة من غير الكشري.. تصدق أن فيه شبه بين السُلطة والسلطة.. هما الاتنين متكعبلين.. أمن مركزي ومركزي من غير أمن.. بلطجية وسحل وعين ما تشوف حاجة إلا الضلمة من بعد النور.. ونور اتسجن والكل مسجون.. خلف السور.. ومبقاش في فرق بين منصور ومكسور.. الكل مكسور.. ما تحبطش نفسك واصرخ.. وجعر وعبر عن حقك.. دة الحق حقك
كنت بغطي مظاهرة التي لم تنشأ بسبب تحويل الإسعاف إلى ثكنة عسكرية.. يوم 11 من مايو 2006 .. واحدة ست غلبانة كانت بتتحايل على عسكري أمن مركزي من اللي كانوا واقفين.. سألته هو فيه أيه قال لها وبكل فخر اصلهم بيحاكموا القضاه.. استغربت فقال لها اصلهم هيحكموا عليهم بالإعدام
اصطفاف واختطاف من بين المتظاهرين أو المتضامنين في أي قضية أو محاكمة لمظلوم تطبيقا لمبدأ أخرس ليجيلك يوم
اتهامات بالباطل بالرغم أن الغالب من الشباب عاطل.. وهو دة الحال.. طالما الوضع كما هو الحال عليه
1 comment:
Greets to the webmaster of this wonderful site. Keep working. Thank you.
»
Post a Comment